Поезија – Игор Исаковски

/, Литература, Блесок бр. 123/Поезија – Игор Исаковски

Поезија – Игор Исаковски

убав војник сум

херој на исцрпени ноќи

полни јасни мисли

за потполната бесмисленост

полни детални мисли

за лесно умирање и исчезнување

 

убав војник сум

со ордени зафрлени и заборавени

во аглите на најправливите фиоки

од помнењето и љубењето и копнежот

 

рабовите на бездната се насекаде

секогаш поблиску одошто мислиш

секогаш зјапнати по твојот разум

секогаш гладни и со челуст алчна

по твоите мисли, по твојата светлина

 

убав војник сум

сам низ пустина ја влечкам пушката

нозете ми се полни сила и плускавци

дланките ми се од лузни и силен зафат

усните ми се планински релјеф

усните ми се тивки и жедни и затворени

 

    22.01.2014, 02:16

АвторИгор Исаковски
ПреводЕлизабета Баковска
2019-01-15T10:19:58+00:00 јануари 5th, 2019|Categories: Поезија, Литература, Блесок бр. 123|