DITËLINDJE PARA BARRIKADËS
të gjitha rrugët janë barrikaduar
përbindëshin e dimë
por asgjë nuk dëgjohet
heshtim si kërpudha
babai me librin para vetes
të cilin s’e lexon për shkak të qetësisë tejet të fuqishme
ai shikon mbi syze
e thotë
edhe kjo do të kalojë
e unë e pre ditëlindjen në prill
kam frikë se është në fund të muajit
dhe nga fjalët e babait që më duken
si flutura me krah të thyer
baba
i them
shpejt do ta kem ditëlindjen
ai e lëviz kokën majtas e djathtas
disa herë
unë e dëgjoj vetëm gumëzhimën e lumit nëntokësor
nën këmbët e mia
e ndjej si mundohet ta tërheqë edhe prillin
tutje
e barrikadat janë këtu
qëndrojnë thuajse dëgjojnë vajin e trungjeve
kur i ka prerë sharra
dhe orteku me gurë e drurë
që e ngriti barrikadën
e dimë përbindëshin
por tashmë jemi në fund të prillit
ditëlindje para barrikadës