DIMËR I GJATË
dimër i gjatë
kohë e kohë ka kaluar
derisa të ngjallet dita e verës me penj thane
trungu i ahut të flasë
për shekujt e paluar në unazat e tij
dhe vargu lirik të shpërthejë me një rreze të hollë
pritje
e pritje
përsëri dimër
disa shtresa të trasha akulli bëjnë presion
mbi heshtjen tonë
dhe gjithçka mbetet në pushtetin e të ftohtit
dhe mbyllësisë
të shpërlarë me lot
pemët janë mbështetur për murin
e kështjellës së rrënuar
t’i ikin ngricës polare
si unë që jam
midis vetmisë
ku shkalavitem
në këtë dimër të gjatë