МЕДИТЕРАН
На дното на морето има свет
што не му се покорува на времето
свет исполнет со градови, со богатства,
со антички буриња старо вино,
со искршени и цели статуи,
со машини што бавно се нишаат
таму има и луѓе, толку многу луѓе;
римски војници и русокоси стјуардеси,
калифи со турбани, голи капачи,
разноразни непријатели со смирен гнев
на дното на морето трчаат деца
што заедно играат и се смеат,
се кријат, и пејат
и ги здружуваат рацете во долго оро
на дното на морето нема излез,
таму почиваат пристигнувањата и одговорите;
таму секогаш сечии очи се смирени
светлината е во нив
во трепет,
галејќи ги струите на длабочината
одвреме-навреме
сништата како злато потонуваат на дното.