Нимфа
нимфа ѝ се приближува
на отворената врата на храмот
покрај илјадници извори насолзена
пишува на големиот лист на лопувот
корените на дабовите
почнале да гнијат
камењата на камењарникот
ги има покриено густ мов
околу нив нема цвеќиња
iris illyrica
патеката ја покриле трње
покрај неа расфрлани распукани калинки
сѐ до шумичката со брези
од под земја се слуша страотно
стенкање
гледа нимфата околу
планинските села спијат
нема надеж за испружената рака
не ги буди нив
ниту хорот на исплашените славеи
ниту гласот на мечињата што очекуваат помош
ниту зуењето на ројот пчели
ниту преплашената лисица што бега
од ударите на секирата до нејзиното дувло
ниту болниот плач на евридика
од темнината на адот
ниту песните на митруш кутели
што ги чита сенката на мртвиот поет
и нимфата крева раце
станува и ја пее жалната песна за авди
и се чувствува како детронирана кралица
до брезата која паѓа
потоа порој се приближува
што ли ќе се збидне
со тоа подземно стенкање
некои знаци упатуваат
дека акцентот паѓа врз хермес
(песни од последната книга на Линдита Ахмети на македонски јазик, Акцентот паѓа врз Хермес, Макавеј, 2020 г.)
превод од албански: Џабир Ахмети