Тонење заедно
Стојат наспрема еден кон еден
стиховите збунети
ги бараат своите места
загубени им се патоказите
од секаде ги шибаат
камшици врели
стиховите ги бркаат
писателките: аман, ајде
одредете ги нашите
нови места.
Писателките им вртат грб
одиме да пливаме
во бистрите езерски води
да не сте се дрзнале
да нè следите
оти може да се удавите.
Стиховите им се лепат за нозете,
писателките тонат.
Со стиховите заедно – како едно.