Project Description
сценарист, драматург, теоретичар на медиумите, писател, критичар, новинар и есеист. Роден е во Битола, во 1956 г.
Автор е на десет книги од различни жанрови, меѓу кои: првите македонски книги посветени на Седмата (Филмот и политичкото, 1981) и на Деветтата уметност (Стрип, запис со човечки лик, 1987) , како и на книгата сценарија (Скопски диптих, 1991), есеи за граѓанскиот урбанитет (Медиумот што недостасува, 1992), збирки раскази (Пеперутката на детството, 1993 и Виолетни светлини и сенки, 2001) и политички осврти и есеи (Ослушнувања во глуво доба, 1994), драмски текстови (Ѕвездите над Скопје , 2000).
Негови раскази се поместени во антологиите Скопски раскази (1996) и Ден за Скопје (1998)
Автор е на сценариото за играниот филм Aнгели на отпад (1995)
Драматуршка активност: Луѓе без адреса (1976), Ѕвездите на ’42-та (1984), Скопски сновиденија (1987), Смок лета по небото (1999).
Во 2008 година, под наслов Ликови од меѓувреме, Блесок ги објави неговите филмски / ТВ сценарија По повод Манаки, Стрмоглави и Ангели на отпад. Следната година, кај истата издавачка куќа го објавува својот прв роман Дваесет и првиот.
Пишува и разнородни проекти за сценска реализација: сатирична комедија Салонот Бумс (1987); мултимедијална сценска повест Мементо за еден град (1993), мултимедијалниот проект Немирни сенки (1993). Двајца во Еден (1995), Светулки во ноќта (1997), Техно ѕвезда (2000), Новиот цар (2001).
Добитник е на повеќе творечки, општествени и професионални награди и признанија.
Денес работи како одговорен уредник на Културно-уметничката програма на Телма телевизија.