Тод Свифт

/Тод Свифт
Тод Свифт 2018-08-21T17:18:16+00:00

Project Description

Тод Свифт објавил осум книги поезија, од кои најнови се Англија е моја (Монтреал, 2011) и Кога сите разочарувања ми дојдоа одеднаш (Торонто, 2012). Свифт уредил и ко-уредил бројни антологии, меѓу кои и Поетска нација, 100 поети против војната, со Јуан Џонс, Современи канадски поети (2010) и Граден џез: Оксфамова книга на млади британски поети (2011), со Ким Локвуд. Песните му се објавувани во бројни и значајни списанија, меѓу кои и Poetry (Chicago), Poetry London, Poetry Review, Jacket, The Guardian, The Globe и Mail. Песните му се објавени и во клучни северноамерикански антологии, меѓу кои и во The New Canon, Open Field, and Best Canadian Poetry 2008. Пишувал осврти за Books in Canada и Poetry London. Настапил на многу фестивали, меѓу кои и Blue Met, The Ledbury Festival, The Cheltenham Literary Festival, The Haye-on-Wye Festival (во Лондон), Франкфуртски саем на книга, и Maastricht International Poetry Nights. Изведувал поезија ширум Северна Америка и Европа, на настапи во Њујорк, Торонто, Монтреал, Будимпешта, Прага, Париз, Ирска, и Обединетото Кралство.
Како ТВ сценарист, напишал повеќе од 100 часа емитувана програма, за компании како HBO, Fox, Paramount, CBC, Hanna-Barbera и CINAR. Бил уредник за Sailor Moon, и еден од сценаристите на хит ТВ сериите Младиот Робин Худ и Нинџа желки: Следна мутација.
Оженет е, живее во Лондон, каде што предава Англиска книжевност и Креативно пишување на универзитетот Кингстон. Директор е на Eyewear Publishing Ltd, и уредник на The Battersea Review.

Тод Свифт е член на Меѓународниот уредувачки одбор на Блесок.

Related Articles