Магдалена Хорват

/Магдалена Хорват
Магдалена Хорват 2018-08-21T17:17:55+00:00

Project Description

Магдалена Хорват – поет и преведувач. Родена во Скопје, 1978. Работела во дневните весници Дневник и Време, и студирала англиски и книжевност на филолошкиот факултет „Блаже Конески“. Автор е на збирката поезија „Ова е таа, твојата“ (Македонска реч, 2006), како и на македонските преводи на романот „Стакленото ѕвоно“ од Силвија Плат (Три, 2006),романот во стихови „Далечината меѓу нас“ од Фиона Сампсон (Магор, 2005), и збирката поезија „Музика и скорбут“ од Ана Агилар-Амат (Блесок, 2006). Хорват е автор и на преводот на избраните песни на Пат Боран „Телефонска секретарка“ (Блесок, 2007).

Пишувала за поезија во весникот Време и британското списание Поетри ривју. Нејзините песни се објавени во македонските литературни списанија Блесок, Мравка, Наше писмо, Современост, како и во антологиите „Пурпурни извори: Антологија на поновата македонска поезија од млади” (Детска радост / Струшки вечери на поезијата, 2006) и „Сто без една песна“ (Македонска реч, 2006). Нејзини преводи на македонски и странски автори се вклучени во неколку антологии издадени од Струшките Вечери на Поезијата, а нејзината поезија е преведена и објавена во словенечкото списание Апокалипса, американската антологија “In Our Own Words Vol.7” (MWE, 2007), и каталонската антологија “Europa es una dona/Europe is a Woman” (Universitat Autonoma de Barcelona, 2007).

Related Articles