Project Description
Игор Штикс е роден 1977. во Сараево, Босна и Херцеговина. Пишува проза, книжевна критика и есеи. Ги уредил антологиите на новата хрватска проза (со Д. Шимпраг, „22 во сенка“, 1999) и светскиот кус расказ на англиски јазик (со Д. Коруга, „Врвно сафари“, 2001). Неговиот роман Дворецот во Ромања (2000) ја добил наградата за најдобра прва книга во Хрватска и досега е преведен на германски, англиски, шпански и француски. Текстовите му се објавувани и на грчки, турски, македонски, бугарски и словенечки. Живее во Париз каде што го подготвува докторатот на Institut d’Etudes Politiques de Paris (Sciences Po). Работи на вториот роман.