Ерика Џонсон Дебељак

/Ерика Џонсон Дебељак
Ерика Џонсон Дебељак 2018-08-21T17:17:54+00:00

Project Description

Ерика Џонсон Дебељак е родена во Сан Франциско, САД. Во 1980 се преселила во Њу Јорк, каде што студирала Француска книжевност на универзитетот Колумбија. Магистрирала на универзитетот Њу Јорк. Работела како банкар пет години, пред да се отсели во Љубљана каде се омажила за поет. Во главниот град на Словенија го научила јазикот и започнала да работи како преведувачка од словенечки на англиски, и како есеист и колумнист.

Г-ѓа Дебељак објавила две книги во Словенија: есеите „Туѓинка во куќата на домаќините“ (1990) и студијата за животот на словенечкиот поет Сречко Косовел „Поетот и јас“ (2004). Ги има преведено на англиски избраните дела на Дане Зајц “Barren Harvest” („Јалова жетва“, 2004). Редовно објавува во словенечките книжевни списанија, дневни весници, популарни магазини и други публикации. Нејзините дела се објавени и во САД, најновите во “The Literary Review” и “Common Knowledge”. Нејзиниот есеј „Кожата на светот“ е прогласен за еден од најдобрите есеи во антологијата „Најадобрите американски есеи“ (2004) приредена од Роберт Етван и Луис Менанд. Нејзините дела се објавени и во Италија, Босна и Херцеговина, Македонија, Хрватска, Финска и Унгарија. Живее во Љубљана со нејзиниот сопруг и нивните три деца.

Related Articles