Project Description
Вера Прокешова (1957-2008) – поетеса, преведувачка, докторка по филолошки науки. Завршила студии по словачки и бугарски јазик на Филозофскиот факултет при Универзитетот „Коменски“ во Братислава. Работела како уредничка во неколку редакции, а до својата смрт беше научен кадар и во Институтот за светска книжевност при Словачката академија на науките во Братислава. Поетски книги: Туѓа (1984), Сончоглед (1988), Синџирче (1992), Тен (1998), Игла (2005). Самостојна преведувачка на повеќе дела од бугарската, француската и чешката литература на словачки јазик. Во соработка со други преведувачи препеала и стихови од романската книжевност, како и текстови од старата кинеска женска поезија. Преведувала во списанија и дела од македонски поети, а во нејзин превод на словачки јазик во 2007 година излезе романот Скриена камера од Лидија Димковска во издание на издавачката куќа „Калиграм“ од Братислава.