Совет за добра љубов

/, Блесок бр. 39/Совет за добра љубов

Совет за добра љубов

Човек во својот живот
Станувам многу влакнест
Знам еден човек
Еин Јахав
Засадено паркче
Бог има милост за деца од градинка
Совет за добра љубов
Да заборавиш некого

Препев од англиски: Виктор Шиков

Човек нема време во својот живот
да има време за сè.
Нема доволно сезони за да има
сезона за секоја цел. Свештениците
грешеа во врска со тоа.

Човек треба да љуби и да мрази во ист миг,
да се смее и да плаче со истите очи,
со истите раце да фрла камење и да ги збира,
да љуби во војна и да војува во љубов.
И да мрази и да простува и да памети и да заборава,
да реди и да прередува, да јаде и да вари
сето тоа за што на историјата
ѝ требаат години и години да го стори.

Човек нема време.
Кога губи бара, кога наоѓа
заборава, кога заборава љуби, кога љуби
почнува да заборава.

И душата му е времешна, душата му е
мошне стручна.
Само телото засекогаш му останува
аматер. Се труди и губи,
се запушта, не научува ништо,
пијано и слепо во неговите ќефови
и болки.

Ќе умре тој како смоквата што умира на есен,
Папушлав и полн со себе и сладок,
на земја лисјето му расте суво,
гранките голи го покажуваат местото
каде што има време за сè.

АвторЈехуда Амихај
2018-08-21T17:21:35+00:00 декември 1st, 2004|Categories: Поезија, Блесок бр. 39|