Состојби на духот и телото по триесеттата

/, Блесок бр. 42/Состојби на духот и телото по триесеттата

Состојби на духот и телото по триесеттата

(Светот во којшто живеам ми носи) Разочарување… 1. Од мојата генерација
(Светот во којшто живеам ми носи) Разочарување… 2. Од државниците
(Светот во којшто живеам ми носи) Разочарување… 3. Од себеси
(Светот во којшто живеам ми носи) Делување… 1. Од тврдоглавост
(Светот во којшто живеам ми носи) Делување… 2. Од инает
(Светот во којшто живеам ми носи) Делување… 3. Од вера

(од истоимената збирка поезија)

Мојата генерација не милува историја.
По софиските улици таа го заборави
мртвото тело на Ѓорче Петров.
Мојата генерација претпочита географија.
На мапата од светот таа ги откри
Манитоба, Перт и Висконсин.
По незасеаните ниви на своите татковци
моите врсници ги ништеа скакулците
пишувајќи презриви хаику стихови
за интимни женски делови.
Мојата генерација ја наоѓам
само по статистиките наместо
по институциите.
Не лути ми се тато, и јас се подизгубив
од многу гледање вести.
Морав да бидам во тек
за секое утро да знам
во која земја се будам.

2018-08-21T17:21:32+00:00 мај 1st, 2005|Categories: Поезија, Блесок бр. 42|