Сведочење на убавината

Францускиот поет гледа како сонцето зацрвенува
и ја истиснува бојата на виното од гроздовите облаци.
Англискиот поет ја споредува со ружа
а Евреинот со крв.
О земјо моја, копно што ги потопува човекојадните усни во
девствениот врат на зајдисонцето
веслата на стравот ми се пришиени за рацете
и јас, во арката на мојот живот, веслам како Ное
кон Арарат.