Пепелашка во хромиран ковчег

Кога сум нервозен купувам работи
кои не ми се потребни
а сè што сакам се
секогаш отворени зелени светла
на семафорот
ти си се напила на игранка
и си завршила пред матичар
но ајде да зборуваме за работите
кои ме тераат да ги затворам очите
и да бидам сосем сам
оние кои
барем еднаш се разбудиле
знаат дека кожните панталони
и
како црв крвената кошула
значат бегство
рацете се горе и држат знаме од станиол
грчевито како последен поздрав
од Титаник
погледни ме мене
кутар скротител на досадата
чии очи мижуркаат
од премногу филмови и видео-спотови
израснав
но не станав циник
самоубиството ги презира студените луѓе
топлиот дожд скриен на образите
пред
уморната толпа
покажи љубов за мене
и ќе биде в ред
ќе биде доволно