Наследи го детството од албумот.
Пренеси ја тишината
што се шири и стеснува како
јато птици во лет.
В дланки зачувај ја
неправилната топка снег
и капките што се спуштаат
по линијата на животот.
Кажи ја молитвата
со склопени усни:
зборовите се семе што паѓа в саксија.
Молкот во утробата се учи.
Обиди се да се родиш
како голема стрелка по полноќ
и секундите веднаш ќе те престигнат.