Мојата сина птица

Стракче зеленило се покажало утринава
во пукнатинката на каменот.
Му пристапи, го подисправи,
го позеде со поглед
и го засади меѓу зборовите.
Помисли: колку да е
некаква сенка ќе фрли билката.
Во сенката потоа
стави чиниче вода и најпосле
насели птица во својата песна.
Помисли: јули е пекол во Македонија
а птиците не смеат да гинат:
тие се нејзин ракопис…