Ме викаше Пежо зашто за неа имав 306

/, Блесок бр. 60/Ме викаше Пежо зашто за неа имав 306

Ме викаше Пежо зашто за неа имав 306

Салфетка
Патриотска песна
Алжир
Блуз за третиот бакнеж
Глупава убавина
Цезар Валехо (или, 12 стихови за Лебот на срамот)
Љубовна песна за Вислава Шимборска

„… Сите философи славени од културните хроники,
Почесни мислители.“
(Пинчас Садих, во „На централната автобуска станица во Тел Авив,
попладне, вечерта пред Рош Хашана“*)

Платон не е запишан во адресарот пикнат во нејзината чанта,
А митолошките суштества во нејзиното сеќавање не црвенеат
Од црвениот лак на нејзините ножни прсти.
Дури ни Афродита не ја поттикнала
Косата која ѝ паѓа на тилот, а сината четка
Која исцртува Ботичелиевски бранови
Едвај ги истакнува трепките на пленот
Од нејзините клепки.
Но таа е прекрасна, каллива и глупава убавина,
Убавина која со плискање вода го заматува запишаното, го брише
Насликаното, и знае дека зад цвеќињата заштитени со закон
Се обвива пурпурна латица, се ниша на врвот од диво трнливо стебло.
А кога зборува со тебе, заборави го јазикот за миг.
Прати ги зборовите во граматичката штала,
Остави втората стрелка во кругот на нејзиното лице
Да ја отчука минутата, која не е роб на времето.
Дури и расипаниот часовник е точен двапати дневно.

(Од англискиот превод на Роберт Манастер и Хана Инбар)

* – Rosh Hashanah,
ראש השנה, Еврејска Нова година

2018-08-21T17:21:10+00:00 јули 3rd, 2008|Categories: Поезија, Блесок бр. 60|