Кога ќе се вратам од војна

Мојот народ е растурен низ градови.
Моите луѓе се будат во Сајгон и Манагва.
Пијат во загрепските кафеани и на сплитските ѕитчиња.
Откачуваат од спид во сараевска ноќ.
Возат деца на школо по виенски улици.
Халуцинираат под берлинското небо.
Брзаат на работа во Париз.
Свират бенџо во единбуршки пабови.
Вежбаат јога во Сомбор.
Мочаат во белградските хаустори.
Се сакаат на Босфор.
Кажуваат мрсни вицови во мостарските бавчи.
Мијат садови во копенхагенските ресторани.
Бараат сончево место во Осло.
Бездомни сирачиња, Дикенсови момчиња и девојчиња.
Мои луѓе, велам.