Интимни подароци

/, Блесок бр. 20/Интимни подароци

Интимни подароци

Интимни подароци
Бели вдовици
Колекција од бесвеста
Небесен буквар
Имаме право да бидеме луди со дозвола на вселената

(сè што ѝ давам на оваа песна)

Ѝ ги давам на оваа песна моите две раце
кои заборавиле да пишуваат на живите јазици.
Ѝ го подарувам модриот град
кој се движи од една стравотна мисла.
Неговото поместување е, сепак, ограничено
на малото дно меѓу два рида.
Ѝ ја давам мојата претесна соба
и така се откажувам од неа.
Ѝ ја давам на оваа песна зебрата
што лежи на терасата од мојата сосетка.
Ѝ давам и една баба
што пука со ќорци на Месечината.
Ѝ го давам свирачот на школка
кој спие во мојата када.
Ѝ давам на оваа песна
лик од непозната претстава кој убедливо
повторува:
Сè ќе биде прекрасно како што беше и досега!
Ѝ давам на песнава неколку сетила повеќе
отколку на обичните минувачи –
– така нема да ѝ избега вистината.

АвторНаташа Бунтеска
2018-08-21T17:21:57+00:00 април 1st, 2001|Categories: Поезија, Блесок бр. 20|