Вториот источен грев

/, Блесок бр. 09/Вториот источен грев

Вториот источен грев

Вториот источен грев
Парадигмата на Рубљов По филмот на А.Тарковски
Автопортрет
Залудноста на Вергилиј
Мотивот на Шехерезада
Социјалистички реализам

Во една сува пештерска бездна
горе во планините
неодамна е најден скелет на човек
кога некогаш, којзнае кога,
или го залагало таму бестрашно љубопитство
или го турнала паника од смртна закана.
Немало начин за излез.
Во камениот монолит над него
е исклепан лик на средовечен човек
(сигурно дело на неговата рака),
кога неговите современици бездруго би го познале.

Не е пронајдено ништо
што би личело на алат.
Наспроти си,
во мигот на својата сурова сосредоточеност,
тој дошол до единствената замисла што преостанува –
ѝ се приклонил на дарбата за овековечување.
Се открил себеси во трајна состојба,
во убав занес, без грчови на лицето.

И мир му тече од коските.
Алилуја!

АвторПетар Т. Бошковски
2018-08-21T17:22:08+00:00 јуни 1st, 1999|Categories: Поезија, Блесок бр. 09|