да лажеш, зошто не, и онака зборовите се
произволни; зборовите кои не се нешта,
зборовите кои не се зборови. да се лаже, зошто не:
со зборови. станувам и приоѓам кон масата: не станав,
не ѝ пријдов на масата. прекинувачот на радиото
не може нанадвор да излезе: ако се притисне, тогаш да.
зборови и зборови, да се лаже и да не се лаже, зошто не би
лажел? зошто не би изговарал секаков збор
што в миг ме опседнува и не мислам на него –
да го изговорам – сосем јасно не мислам. зошто:
да се зборува (не сакам да речам) и да се зборува а да не
се зборува. „да се зборува“ во сите три случаи е лага.
да се лаже, зошто да не се лаже. почнав да изговарам нешто
и веќе излажав: перфектот не е презент.
презентот е перфект. зборовите не се зборови. зборовите се
зборови. да се лаже, зошто не? ги наместив усните чиниш
ќе речам: таван, не реков, усните се
измамени: да се лаже, зошто не. да се лажат зборовите,
да се слагаат зборовите во лага. да се преобрнат, исплукаат,
глумејќи нежност. зборовите не се зборови.
копиле на усните, дим на усната шуплина, талог
на зборливата меморија: зборови (да се лаже, зошто не?)
да се преобраќа од јазикот кон забите, од забите кон непцата,
а потем низ виор: да се лаже, зошто не?