Волшебното јајце на Родан ал Галиди

Го окупираа ѕидот,
го заробија таванот,
го убија покривот
и се качија низ прозорецот.
Го присилија балконот
да се самоубие,
му го исфрлија цвеќето
на тротоарот.
Ја закопаа визбата,
ѝ наредија на шупата да го остави ѓубрето
и да ја снема
а јас
сè уште
сум жив.
Готвам за пријателите,
купувам картички за зборовите
и најважно:
сè уште спијам,
барем шест саати на ден,
а понекогаш
не ми требаат дури ни
апчиња.