пушти ја плочата. дождот нема да трае
подолго од празнењето на облаците да
ти ги признаев нештата што ги фрлив в море
(оружјето за убиство зборовите во шише)
нема да ѝ дадам име на оваа песна би било
како да ги преведувам деновите а јас: јас сум како
вода (ги презема облиците на нештата што ги поплавува)
пак ќе кажам (за оние кои сега
ја пуштија песнава): во кошницата за овошје на мама
се менуваат годишните времиња а плочата
беше толку стара што на
некои местатолку стара што на
некои местатолку стара толку стара што на некои
местатолку стара толку стара шт