Шетаат
духови во куќата
јазикот е претворен во крцкање
шушкање, лелекање, логореја
недостига визија, провидение, битие
животот е патување кон неискажливото
дури и бездната има форма
и хаосот има
само твојот Дом нема
затоа што Овде –
да се нема
значи да се изгуби
тоа што се имало
значи, некогаш си имала
а
сега е време за мечта
мечта со волшебна моќ
а не – обична надеж.
Да кажам ли експлицитно:
нам не ни е доволна надежта –
таа е блага и некако споровозна
нам ни треба силна доза
прекумерна надеж ни треба,
да нè доведе
до самиот крај
за потоа да можеме
со тревога и со терапија
да се вратиме одново
во живот.
За секој случај.