Од лудило на војна замаени
фатени во налуничава шема на Смртта
во совршена стратегија на поразот
по сури планини преслапи
и смрзнати крвотоци
справите бојни ги тегнат
По амбиси в небо на аџилак тргнале
в поход кон Најмоќниот
што во разврат во инцест пливнал
а цврст е ко биста од мрамор
Така и ние тргнуваме во опсада на зборот
и кога сме сигурни дека е наш †
ко Рим од рацете ни првнува…
Колку ли тогаш враќањето може да боли †
мали жртви на обидот а не на триумфот.