#5 Еден од најпопуларните гитаристи од Бостон (САД), Monster Mike Welch е дел од музичката сцена во последниве тринаесет години (неодамна е номиниран во категорија најдобар музичар за престижната награда “Boston Music Award”). Како водач на составот Monster Mike Welch Band, тој издаде четири албуми кои се здобија со одлични критики: “These Blues Are Mine”, “Axe To Grind”, “Catch Me” и “Adding Insight To Injury”, со чести настапи во Северна Америка и Европа. Тој се појавува и на истоимениот албум на Sugar Ray & The Bluetones во издание на Severn Records.
Деновиве Mike Welch го претстави своето најново остварување “Cryin’ Hey!”, неговиот прв албум со традиционален блуз и, слободно може да се каже, најдоброто остварување до сега.
Неверојатно делува фактот дека албумот е снимен за само шест часови, без какви било наснимувања и употреба на студиска козметика! Сите негови музички влијанија провејуваат врз материјалот набиен со емоционален пристап кој само вистинските блузери можат да го доловат (Buddy Guy, B.B.King, Hubert Sumlin, Magic Sam, Freddie King, Muddy Waters и Robert Jr. Lockwood). Овој албум е извонредна посвета на блузот и неговите херои и дефинитивно едно од најдобрите изданија во последно време. Пропуштете го на ваша одговорност!
уметноста е внатре
