Превод од босански: Елизабате Баковска
Понекогаш ме стигнува сознанието дека веќе ја нема музиката која ме придвижува. Дека се потрошила, и дека новото време донело нови медиуми и нови начини на изразување, а дека музиката ја плаќа цената за тоа. Или, уште полошо, дека јас сум се потрошил, дека сум постар и гладен за поинаква енергија кој сѐ уште ми е непозната. Или, најлошо, дека хемијата меѓу нас веќе не постои.
А потоа ќе ја слушнам „Ние сме сонувачи“! Магија на дело! Тиндерстикс се сонувачи, во тоа никогаш не сум се сомневал, а оваа песна е химна. Дуетите се стара специјалност на Тиндерстикс. Прво на памет ми паѓа Travelling Light, со Карла Торгесон од Вокабаоут… или A Marriage Made in Heaven со Изабела Роселини.
А дури Ласа Де Села… Со неа прво ја снимаа песната Sometimes it Hurts , за подоцна Стуарт да ја повика да учествува на неговиот втор соло албум. Резултат е срцеубиствената песна That Leaving Feeling. Една од оние кое често себе си ги забранувам. Својата последна соработка со Тиндерстикс Ласа не ја доживеа, како што ни Џејмс Дин никогаш не стигна да го види својот последен филм. Филмост се викаше Џин, а песната е Hey Lucinda.