Годишна награда за млад ликовен уметник

#6 Welcome to Skopje е серија на слики работени во техника акрил на платно и е прв сегмент од еден поопширен и долгорочен проект на кој Велимир Жерновски работи последните две години. Welcome to Skopje концептуално се јавува како реакција на речиси непостоечката иницијативност за промоција на главниот град. Во една таква средина авторот ја презема одговорноста во свои раце и нуди афирмација на сегменти од својот град за кои тој смета дека во овој момент поседуваат атрактивност и во поголем дел ја отсликуваат реалната состојба на градот.