Јовица Ивановски: 10 песни

/, Литература, Блесок бр. 129/Јовица Ивановски: 10 песни

Јовица Ивановски: 10 песни

КИЛИМ ОД ГЕНИ
КАКО КОГА НЕКОЈ НАЕСЕН…
БЕГСТВО ОД…
ГИ ИМА СЕКАКВИ
ВОДЕНА ПОКРИВКА
СПОМЕНИ, НЕБАРЕ ТУЃИ
И ЗА КРСТЕЊЕ ТРЕБА ВЕЖБАЊЕ
ИМПРОВИЗАЦИЈА
ШВАЛЕРСКА
ПОПРВО БИ ПУКАЛ


СПОМЕНИ,
НЕБАРЕ ТУЃИ

Моите мисли,
запустени острови.
Некоја друга планета.
Спомени замрзнати во
тегла со свинска маст.
Гума дупната со шајка,
џамлии, петица и шлајка.
Лет со пони велосипед.
Небото сино ко плико.
Тежок, жежок леб.
Млеко пред порта.
Змучки и струпки,
фризура на страна.
Не шорцови, туку 
скусени панталони.
Па поле од море и 
галеби што пасат риби.
Пуста, недогледна плажа –
се тркаме со татко ми.
Чоколадно млеко во
пластично шише.
Брако приколка и
дивина. Слобода.
Моите мисли,
запустени острови.
Некоја друга планета,
што во неврат одлета.
АвторЈовица Ивановски
ПреводЗоран Анчевски
2019-12-27T11:59:40+00:00 декември 18th, 2019|Categories: Поезија, Литература, Блесок бр. 129|