Човек вреди само колку
тоа што ќе му го рече на куче
кога мора да стане од кревет
сред зимска ноќ
бидејќи некое клето куче лае;
и оди и отвора врата
по маица и боксерски гаќи
и напред меѓу избраздениот отпад
кој го викаат игралиште
гледа џукела со една шепа
крената во очекување
и со израз што вели Фала Богу
таман си помислив
нема никој буден освен мене
во овој проклет град.