Поезијата на мал јазик
Корк, Ирска
Поезијата на мал јазик
е како ѕвоно
во зафрлено село
што бие придушено во вечерите
низ мемлата на провинцијата
самозаборавно
и прилично самозадоволно
– би се рекло –
да ги нема тие парталави овци
збиени пред пороен дожд
во трло
пред камена штала
што малку па малку,
ќе штрекнат со белузлавите глави
да ти дадат до знаење
дека без оглед на медиумот
пораката секогаш
стигнува до целта.
Превод: Јовица Ивановски