од „Господин Денес“

Време е да ги покажам картите.
Знам дека не сте знаеле
оти не сум Осојник туку маестро Зелена глава.
Во овој миг ја откривам тајната мудрост.
Вон забелешките и без зборови.
Човекот е езеро во кое се огледува месецот.
Ако ве скокотка во стомакот тоа е жив доказ дека сте Буда.
Дупката во синилото е еден од моите учители.
Вториот е девојчето од филмот „Тој филм нема да го гледаш“.
Третиот е жолтата крошна на оревот што сончевината
ја стеснува на квадратен метар зелен прозорец.
Инаку мило ми е што никој не ме измачува со глупави прашања
(ако не се сметам себеси).