од „Господин Денес“

Господинот Денес се најде на новинарска конференција.
Претставија избрани песни од двајца големи
и еден не толку голем светски поет
(го претстави некој
кој пред кратко време зборуваше со омаловажување за него,
а сега го фалеше на сите страни
на прекршен грчки – да речеме дека беше грчки).
Значи вака завршува сè, си помисли.
Тоа е смислата на поезијата. Да се биде претставен
во книжарничка во мало гратче.
Во сив есенски ден
чекајќи го кафето
што ќе го послужат
по завршената говоранција.