Чет Бејкер
Чет Бејкер ме пронаоѓа
иако се сокрив
зад топлината
и раце ме милуваат
во собата
кај што завесите чуваат стража
Чет Бејкер лесно ме наоѓа
неговата труба
ги слави заспаните ноќи
прошетките по широките авении
малите хотели
и нивните балкони
ми зборува да запаметам
сѐ што ноќва се случувало –
да се сетам
на палмата на морето на нејзините мириси
секој пат кога ќе помислам
дека е наредено повлекување
превод од босански: Сузана В. Спасовска