Поезија – Игор Исаковски

/, Литература, Блесок бр. 123/Поезија – Игор Исаковски

Поезија – Игор Исаковски

вагони полни лица татнат

низ ноќта: очи полни

молчалив ужас, соочени

со нејасна предодреденост,

подадени кон конечноста.

 

конвои полни опиплива помош

итаат низ мински полиња,

товари полни нитроглицерин

што прска при најмало невнимание,

летаат над земјата и над секоја смисла.

 

полни писти, автопати, шини,

полни луѓе со мечти, мисли,

сништа, желби, копнежи,

болки, несоници, првут

и свиени грбови: јурат кон крајот.

 

    22.01.2014, 03:10

 

АвторИгор Исаковски
ПреводЕлизабета Баковска
2019-01-15T10:19:58+00:00 јануари 5th, 2019|Categories: Поезија, Литература, Блесок бр. 123|